ट्रम्पको टिप्पणीपछि इरानले अमेरिकामाथि कूटनीतिक प्रतिबद्धता तोडेको आरोप लगायो

इरानले अमेरिकामाथि आफ्ना कूटनीतिक प्रतिबद्धता उल्लङ्घन गरेको आरोप लगाएको छ । अमेरिकी राष्ट्रपति डोनाल्ड ट्रम्पले १४ बुँदे समझदारीपत्र (एमओयु) बारे गरेको टिप्पणीप्रति आपत्ति जनाउँदै इरानी विदेश मन्त्रालयका प्रवक्ता इस्माइल बाघाईले वासिङ्टनको कूटनीतिप्रतिको अवहेलना फेरि उजागर भएको बताएका छन् । सामाजिक सञ्जाल एक्समार्फत प्रतिक्रिया दिँदै उनले अमेरिकाले अन्तर्राष्ट्रिय दायित्वलाई आफूअनुकूल व्याख्या गर्ने गरेको उल्लेख गर्दै जवाफदेहिताको आह्वान गरेका छन् ।