सरकारी वेबसाइटमा एसएसएल/टीएलएस प्रमाणपत्र अनिवार्य गर्न निर्देशन

प्रधानमन्त्री तथा मन्त्रिपरिषद्को कार्यालयअन्तर्गतको राष्ट्रिय साइबर सुरक्षा केन्द्रले सबै सरकारी निकायका आधिकारिक वेबसाइटमा वैध एसएसएल/टीएलएस प्रमाणपत्र अनिवार्य रूपमा जडान गर्न निर्देशन दिएको छ। केन्द्रले बुधबार परिपत्र जारी गर्दै सबै मन्त्रालय, आयोग, सचिवालय, प्रदेशका मन्त्रालय तथा स्थानीय तहका वेबसाइटमा तोकिएको सुरक्षा मापदण्ड लागू गर्न आग्रह गरेको हो। यस कदमले सरकारी वेबसाइटहरूको साइबर सुरक्षा मजबुत बनाउनुका साथै प्रयोगकर्ताको तथ्यांक सुरक्षित राख्ने लक्ष्य राखेको छ।