देवानगन्ज घटनाका पीडितलाई न्याय दिन राप्रपा सांसद खुश्बु ओलीको माग

राष्ट्रिय प्रजातन्त्र पार्टी (राप्रपा) की सांसद तथा प्रमुख सचेतक खुश्बु ओलीले सुनसरीको देवानगन्ज गाउँपालिकास्थित कप्तानगञ्ज पुगेर मृतकका परिवार र घाइतेहरूसँग भेट गरेकी छन्। धार्मिक विवादसँग सम्बन्धित उक्त घटनाका पीडित परिवारले अझै न्याय नपाएको भन्दै उनले सरकारको ध्यानाकर्षण गराएकी छन्। घटनाको छानबिन गर्न गठित आयोगको प्रतिवेदन तत्काल सार्वजनिक गर्न र दोषीलाई कानुनी कारबाही गर्न उनले माग गरेकी छन्। बुधबार सामाजिक सञ्जाल फेसबुकमा धारणा राख्दै ओलीले यो माग गरेकी हुन्।