मौसम खुलेसँगै भोजपुरका किसान धान भित्र्याउन व्यस्त

धान पाकेर भित्र्याउने समयमा निरन्तर वर्षा हुन थालेपछि भोजपुर जिल्लाका किसान चिन्तित बनेका छन् । खेतमा धान पाकेर पहेँलपुर भएको अवस्थामा वर्षा र असिनाको जोखिम बढेपछि किसानलाई समयमै बाली काटेर सुरक्षित रूपमा भित्र्याउन समस्या भएको छ । मौसम प्रतिकूल बनेपछि किसानहरू आफ्नो बालीको सुरक्षालाई लिएर चिन्तामा छन् ।

निरन्तर वर्षापछि मौसममा सुधार आएसँगै भोजपुरका किसान धानबाली भित्र्याउन व्यस्त भएका छन्। बेमौसमी वर्षाले पाकेर पहेँलपुर भएको धान काट्ने र थन्क्याउने काम प्रभावित बनाएको थियो भने वर्षा र असिनाको जोखिमले किसानलाई चिन्तित बनाएको थियो। मौसम खुलेपछि किसान बिहानैदेखि खेतमा धान काट्ने र मुठा बाँध्ने काममा व्यस्त छन्।