ब्रसेल्सस्थित नेपाली दूतावासद्वारा संयुक्त पर्यटन प्रवर्द्धन कार्यक्रम आयोजना

ब्रसेल्सस्थित नेपाली दूतावासले भुटान, माल्दिभ्स र श्रीलङ्काका दूतावासहरूसँगको सहकार्यमा ‘हिमाली शिखरदेखि समुद्री तटसम्म’ शीर्षकमा संयुक्त पर्यटन प्रवर्द्धन कार्यक्रम आयोजना गरेको छ। कार्यक्रममा युरोपेली सङ्घ र संयुक्त राष्ट्रसङ्घका प्रतिनिधि, बेल्जियमस्थित विभिन्न देशका राजदूत तथा कूटनीतिक नियोगका प्रतिनिधि, सहभागी देशका शुभेच्छुक र सञ्चारकर्मीसहित करिब एक सय जनाको सहभागिता रहेको थियो। कार्यक्रममा पाहुनाहरूले सेलरोटी र छोइलालगायत नेपाली परिकारको स्वाद लिए।