तीन जिल्लाका सामुदायिक वनबाट अवैध भरुवा बन्दुक बरामद

कपिलवस्तुको वाणगङ्गा नगरपालिका–९ भर्लाबासस्थित खुतखुते सामुदायिक वनमा लुकाइछिपाइ राखिएका चार नाल भरुवा बन्दुक प्रहरीले बरामद गरेको छ। जिल्ला प्रहरी कार्यालयका प्रहरी नायब उपरीक्षक रिपेन्द्रकुमार सिंहका अनुसार वनको लहरे उकालीमा बन्दुक लुकाएर राखिएको सूचनाका आधारमा इलाका प्रहरी कार्यालय पिपराबाट प्रहरी निरीक्षक कालिकाको नेतृत्वमा खटिएको टोलीले बन्दुक बरामद गरेको हो।

तीन जिल्लाका सामुदायिक वनमा लुकाइछिपाइ राखिएका अवैध भरुवा बन्दुक प्रहरीले बरामद गरेको छ। दाङमा मंगलबार बिहान ५ बजेदेखि ९ बजेसम्म सञ्चालित विशेष अपरेसनका क्रममा १४ नाल भरुवा बन्दुक बरामद भएको जिल्ला प्रहरी कार्यालय दाङले जनाएको छ। म्याग्दीको बेनी नगरपालिका–६ स्थित फिर्के सल्ला सामुदायिक वनबाट आइतबार साँझ तीन थान भरुवा बन्दुक र दुई थान नाल बरामद गरिएको छ। कपिलवस्तुको वाणगंगा नगरपालिका–९ बर्लाबासस्थित खुतखुते सामुदायिक वनमा बेवारिसे अवस्थामा चार नाल भरुवा बन्दुक फेला परेको जिल्ला प्रहरी कार्यालयका प्रहरी नायब उपरीक्षक रिपेन्द्रकुमार सिंहले जानकारी दिएका छन्।