प्रधानन्यायाधीश समेत संलग्न रिपोर्टबारे सर्वोच्चद्वारा निष्पक्ष छानबिनको माग

प्रधानन्यायाधीश तथा सर्वोच्च अदालतका अन्य न्यायाधीशहरू समेत संलग्न रहेको भनी प्रकाशित सञ्चारमाध्यमका समाचार र सामाजिक सञ्जालका पोस्टबारे स्वतन्त्र र निष्पक्ष छानबिन गरी नतिजा यथाशीघ्र सार्वजनिक गर्न सर्वोच्च अदालतले सम्बन्धित निकायसँग आग्रह गरेको छ। सोमबार बसेको पूर्ण इजलास बैठकले यस विषयमा चासो व्यक्त गर्दै पाँचबुँदे निर्णय सार्वजनिक गरेको हो। यसअघि पूर्ण इजलासले न्यायपालिकासम्बन्धी विभिन्न प्रश्नहरूमा छलफल गरेको थियो।