२ हजार युवालाई निःशुल्क एआई तालिम, ६८ हजारभन्दा बढी आवेदन

युवा, श्रम तथा रोजगार मन्त्रालयअन्तर्गतको राष्ट्रिय व्यावसायिक प्रशिक्षण प्रतिष्ठानमार्फत युवाहरूलाई एआईको प्रभावकारी प्रयोग तथा प्रम्प्ट लेखन विषयमा निःशुल्क अनलाइन तालिम सञ्चालन गरिने भएको छ। तालिमले युवाहरूलाई कृत्रिम बुद्धिमत्तासम्बन्धी व्यावहारिक सीप प्रदान गर्ने उद्देश्य राखेको छ। आवेदन खुला गरिएको जानकारी दिइएको छ।

युवा, श्रम तथा रोजगार मन्त्रालयअन्तर्गतको राष्ट्रिय व्यावसायिक प्रशिक्षण प्रतिष्ठानले २ हजार युवालाई लक्षित गरी निःशुल्क अनलाइन एआई तालिम सञ्चालन गर्न लागेको छ। आवेदन खुला भएको २४ घण्टाभित्रै ४२ हजारभन्दा बढी युवाले आवेदन दिएका थिए भने पछि आवेदन गर्नेको संख्या ६८ हजारभन्दा बढी पुगेको छ। आवेदन अत्यधिक बढेपछि प्राविधिक कारणले आवेदन फाराममा पहुँच अवरुद्ध भएको प्रतिष्ठानले जनाएको छ। 'एआईको प्रभावकारी प्रयोग तथा प्रम्प्ट लेखन' विषयक दुईदिने तालिम आईएनजी ग्रुप र ज्ञान बजार अनलाइन प्रालिको सहकार्यमा सञ्चालन हुनेछ, जसमा च्याटजिपीटी र क्लाउड लगायतका एआई टुलहरू समेटिनेछन्।