भारतले नाभिक प्रणाली सुदृढ पार्न एनभीएस–०३ उपग्रह प्रक्षेपण गर्‍यो

भारतले आफ्नो स्वतन्त्र नेभिगेसन प्रणाली ‘नेभिगेसन विथ इन्डियन कन्स्टेलेसन’ (नाभिक) लाई सुदृढ पार्ने उद्देश्यले नयाँ पुस्ताको नेभिगेसन उपग्रह सफलतापूर्वक प्रक्षेपण गरेको छ । भारतीय अन्तरिक्ष अनुसन्धान सङ्गठन (इसरो) का अनुसार ‘एनभीएस–०३’ नामक उपग्रहलाई जीएसएलभी–एफ१८ रकेटमार्फत शुक्रबार राति आन्ध्र प्रदेशको श्रीहरिकोटास्थित सतीश धवन अन्तरिक्ष केन्द्रबाट स्थानीय समयअनुसार राति ११ः५१ बजे प्रक्षेपण गरिएको हो । यो प्रक्षेपण भारतको आफ्नै नेभिगेसन सञ्जाललाई थप मजबुत बनाउने लक्ष्यका साथ गरिएको हो ।