काठमाडौँमा वरिष्ठ गीतकार उन्नती बोहरा 'शीला'को सम्मानमा साङ्गीतिक साँझ

नेपाली साहित्य, गीत–सङ्गीत तथा सामाजिक सेवामा लामो समयदेखि सक्रिय वरिष्ठ साहित्यकार, गीतकार तथा प्राज्ञ उन्नती बोहरा 'शीला'को सम्मानमा काठमाडौँमा विशेष साङ्गीतिक कार्यक्रम सम्पन्न भएको छ। 'फर्की आऊ शान्ति तिमी, उन्नती शीला संगीत समर्पण साँझ' नामक उक्त कार्यक्रम आइतबार आयोजना गरिएको हो। नेपाली सुगम सङ्गीतमा पाँच दशकभन्दा लामो साधना गरेकी बोहराको सिर्जनालाई सम्मान गर्ने उद्देश्यले यो कार्यक्रम राखिएको हो। उन्नती बोहरा शीला गीत पुरस्कार मञ्चले काठमाडौँमा पत्रकार सम्मेलन गर्दै कार्यक्रमको जानकारी दिएको थियो र यो भृकुटीमण्डपस्थित नेपाल पुलिस क्लबमा आयोजना गरिएको हो।