रास्वपाले स्थानीय तह निर्वाचनका लागि उपसमिति गठन गर्यो

राष्ट्रिय स्वतन्त्र पार्टी (रास्वपा) ले स्थानीय तह निर्वाचन उम्मेदवार छनोट रूपरेखा कार्यान्वयन तथा समन्वय समितिअन्तर्गत विभिन्न उपसमितिहरू गठन गरेको छ। पार्टीका महामन्त्री एवं समिति संयोजक विपिनकुमार आचार्यको सभापतित्वमा वनस्थलीस्थित केन्द्रीय कार्यालयमा बसेको बैठकले वडाध्यक्ष र सदस्यका साथै महानगर तथा उपमहानगरका लागि पनि आवेदन खुला गर्ने निर्णय गरेको छ। आगामी स्थानीय तह निर्वाचनलाई लक्षित गरी उम्मेदवार छनोट प्रक्रियालाई तीव्रता दिन यो कदम चालिएको हो।