प्रवासी नेपाली मञ्चको दोस्रो अन्तर्राष्ट्रिय अधिवेशन बुधबारदेखि काठमाडौंमा सुरु हुँदै

प्रवासी नेपाली मञ्च, अन्तर्राष्ट्रिय कमिटीको दोस्रो अन्तर्राष्ट्रिय अधिवेशन बुधबारदेखि काठमाडौंमा सुरु हुँदैछ। अधिवेशन कात्तिक १८ र १९ गते दुई दिन चल्नेछ। आयोजकका अनुसार विश्वका ३८ देशबाट करिब २५० देखि ३५० जना प्रतिनिधि तथा पर्यवेक्षक सहभागी हुनेछन् र सम्पूर्ण तयारी पूरा भएको छ। काठमाडौंमा आयोजित पत्रकार सम्मेलनमा नेकपा (एमाले) का उपमहासचिव लेखराज भट्टले प्रवासी नेपालीहरूले भोग्दै आएका साझा समस्या र चुनौती समाधानका लागि एकीकृत पहल आवश्यक रहेको बताए। अधिवेशनको उद्घाटन पूर्वराष्ट्रपति एवं नेकपा एमालेका नेताले गर्ने कार्यक्रम छ।