जलपर्यटन सुरक्षित बनाउन कास्की प्रशासनद्वारा १५ बुँदे निर्देशन जारी

फेवातालसहित पोखराका विभिन्न तालमा सञ्चालन हुने जलपर्यटन गतिविधिलाई कानुनअनुसार व्यवस्थित र सुरक्षित बनाउन जिल्ला प्रशासन कार्यालय कास्कीले १५ बुँदे निर्देशन जारी गरेको छ । सहायक प्रमुख जिल्ला अधिकारी रमेश घर्तीद्वारा जारी सूचनामा डुङ्गा, कायाकिङ र सर्फिङ बोटलाई सम्बन्धित निकायमा दर्ता गरेर मात्र सञ्चालन गर्न भनिएको छ । कार्यालयले लाइफ ज्याकेट विना ती गतिविधिमा भाग लिनबाट पनि आग्रह गरेको छ ।