क्यालिफोर्नियाको मत गणना रोक्न ट्रम्प प्रशासनको माग सर्वोच्च अदालतबाट अस्वीकृत

अमेरिकी सर्वोच्च अदालतले क्यालिफोर्नियामा दर्ता भएका २० हजारभन्दा बढी मतदाताका हुलाकमार्फत् प्राप्त मतपत्रको गणना रोक्न ट्रम्प प्रशासनले दिएको निवेदन अस्वीकार गरेको छ। मध्यावधि चुनावको अघिल्लो दिन आएको यो निर्णयले ती मतपत्र गणना गर्न दिने बाटो खोलेको छ। अमेरिकी न्याय मन्त्रालयले गत महिना क्यालिफोर्नियाको मतदाता नामावलीमा करिब २० हजार गैरनागरिक मतदाता हुन सक्ने दाबी गर्दै नागरिकता प्रमाणीकरण नभएसम्म उनीहरूलाई मतदान गर्न नदिन र ती मतपत्र गणना नगर्न माग गरेको थियो। तर क्यालिफोर्नियाका निर्वाचन अधिकारीहरूले संघीय सरकारलाई राज्यको निर्वाचन प्रक्रियामा हस्तक्षेप गर्ने अधिकार नभएको भन्दै उक्त दाबीको प्रतिवाद गरेका थिए।