आईजीपी हटाउने निर्णय राज्यसत्ताको चरम दुरुपयोगः ज्ञानेन्द्र शाही

राष्ट्रिय प्रजातन्त्र पार्टी (राप्रपा) का सांसद ज्ञानेन्द्र शाहीले प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयलाई राज्यसत्ताको चरम दुरुपयोग भएको बताएका छन्। आईजीपीले अपराध गरेको भए कानुनअनुसार कारबाही गरेर जेल हाल्नुपर्ने उनको भनाइ छ। सरकारले कार्कीलाई हटाएर मनोजकुमार केसीलाई नयाँ प्रहरी महानिरीक्षक नियुक्त गरेको छ। हटाइएका कार्की मन्त्रिपरिषद्को निर्णयविरुद्ध अदालत जाने भएका छन्।