प्रेस काउन्सिलसम्बन्धी अध्यादेश प्रमाणित नगर्न पत्रकार महासङ्घको राष्ट्रपतिसमक्ष माग

नेपाल पत्रकार महासङ्घले प्रेस काउन्सिल नेपाल ऐन संशोधनसम्बन्धी प्रस्तावित अध्यादेश प्रमाणित नगर्न राष्ट्रपति रामचन्द्र पौडेलसँग माग गरेको छ। महासङ्घले बुधबार विज्ञप्ति जारी गर्दै सरोकारवाला पक्षसँग परामर्श नगरी अध्यादेश ल्याउन खोजिएको भन्दै आपत्ति जनाएको छ। प्रस्तावित अध्यादेशमा उजुरी नपरे पनि छानबिन तथा कारबाही गर्न सकिने, पत्रकार तथा सञ्चारमाध्यमलाई जरिवाना गर्ने र क्षतिपूर्ति भराउने व्यवस्था रहेको महासङ्घले जनाएको छ। विज्ञप्ति महासङ्घका महासचिव रामप्रसाद दाहालद्वारा जारी गरिएको हो।