सर्लाहीमा मालपोतका नायब सुब्बा एक लाख घुससहित पक्राउ

सर्लाहीको मलंगवास्थित भूमि प्रशासन कार्यालय (मालपोत) का नायब सुब्बा निर्मल तिमिल्सिना एक लाख रुपैयाँ घुस रकमसहित पक्राउ परेका छन्। अख्तियार दुरुपयोग अनुसन्धान आयोगको बर्दिबास कार्यालयबाट खटिएको टोलीले बुधबार बिहान करिब ९–१० बजे मालपोत कार्यालयको प्रशासन फाँटमा कार्यरत तिमिल्सिनालाई नियन्त्रणमा लिएको हो। आयोगका अनुसार लालबन्दी निवासी तिमिल्सिनाले मोहीसम्बन्धी काम गरिदिने भन्दै घुस मागेका थिए। घुस मागेको आरोपमा उनी अख्तियारको नियन्त्रणमा आएका हुन्।