चितवनमा दुई भारतीय नागरिक पटाकासहित पक्राउ

चितवन जिल्लामा प्रहरीले ६ लाख २३ हजार ४६५ रुपैयाँ बराबरका पटाका राखेको आरोपमा दुई भारतीय नागरिकलाई पक्राउ गरेको छ। पक्राउ पर्नेहरूमा भारतको मोतिहारी जिल्ला निवासी हाल कालिका नगरपालिका-६ हरिहरटोल बस्ने ४१ वर्षीय सञ्जय साह टेली र सोही जिल्लाका २९ वर्षीय कन्हैया कुमार रहेका छन्। जिल्ला प्रहरी कार्यालय चितवनका अनुसार प्रहरीले जिल्लाका विभिन्न स्थानबाट फुलझरी, खुर्सानी बम, चक्का र रकेटलगायत ८० हजार ३७२ थान पटाका बरामद गरेको छ।