भोटेकोशी बाढीपीडितका लागि रेडक्रस र दुई पालिकाबीच सम्झौता

भोटेकोशी नदीको बाढीबाट प्रभावित परिवारलाई आर्थिक सहयोग तथा मानवीय सहायता उपलब्ध गराउन नेपाल रेडक्रस सोसाइटीले रसुवाको गोसाइँकुण्ड गाउँपालिका र नुवाकोटको तारकेश्वर गाउँपालिकासँग छुट्टाछुट्टै सम्झौता गरेको छ। बाढी प्रभावित क्षेत्रका नागरिकको उद्धार, राहत तथा पुनःस्थापनामा सहकार्य गर्ने उद्देश्यले यी साझेदारी सम्झौता भएका हुन्। नेपाल रेडक्रस सोसाइटीका केन्द्रीय अध्यक्ष डा विशालकुमार भण्डारीको उपस्थितिमा सम्झौता भएको हो भने नुवाकोटको कार्यक्रममा रेडक्रस तथा रेडक्रिसेन्ट सोसाइटीको अन्तर्राष्ट्रिय महासङ्घ (आइएफआरसी) नेपाल प्रमुख डेभिड फिसर पनि उपस्थित थिए।