बकर इदको अवसरमा उपराष्ट्रपति रामसहायप्रसाद यादवद्वारा शुभकामना व्यक्त

उपराष्ट्रपति रामसहायप्रसाद यादवले इस्लाम धर्मावलम्बीहरूको महान् पर्व ‘ईद–उल–अज्हा’ (बकर इद) को अवसरमा शुभकामना व्यक्त गर्नुभएको छ। उहाँले यो पर्व त्याग, समर्पण र बलिदानको प्रतीक भएको उल्लेख गर्दै यसले समाजमा सहानुभूति, सहयोग र भाइचारालाई अझ सबल बनाउने विश्वास व्यक्त गर्नुभयो। उपराष्ट्रपति यादवले यस्ता सांस्कृतिक पर्वहरूले नेपाली समाजमा आपसी मेलमिलाप र सद्भाव कायम राख्न प्रेरित गर्ने बताउनुभएको छ। उहाँले यस अवसरमा सबै नेपालीहरूमा सुख, शान्ति र समृद्धिको कामना समेत गर्नुभयो।

Summary by Jayaman