हिमाली क्षेत्रमा असुरक्षा बढेको भन्दै सगरमाथा आरोही सङ्घद्वारा सुरक्षाको माग

सगरमाथा आरोही सङ्घले नेपालको हिमाली क्षेत्रमा असुरक्षा बढ्दै गएको भन्दै सरकारको ध्यानाकर्षण गराएको छ। सङ्घले आज एक विज्ञप्ति जारी गर्दै असुरक्षाका कारण विदेशी पर्यटकमा नकारात्मक असर परेको र यसले आरोहीहरूलाई मर्माहत बनाएको जनाएको छ। विसं २०८५ लाई नेपाल भ्रमण वर्षका रूपमा मनाउने घोषणा भइरहँदा सगरमाथा आधार शिविरभन्दा माथिल्लो क्षेत्रमा सुरक्षाको प्रभावकारी कदम चाल्न सङ्घले माग गरेको छ। आरोहीहरूले हिमाली क्षेत्रको सुरक्षा सुनिश्चित गर्न सरकारसँग विशेष आग्रह गरेका छन्।