नागढुङ्गा–सिस्नेखोला सुरुङमार्ग सञ्चालनको अन्तिम तयारीमा

नागढुङ्गा–सिस्नेखोला सुरुङमार्ग सञ्चालनका लागि अन्तिम तयारी भइरहेको आयोजनाले जनाएको छ। सोमबार सिंहदरबारमा बसेको राष्ट्रियसभा अन्तर्गतको सार्वजनिक नीति तथा प्रत्यायोजित विधायन समितिको बैठकमा आयोजना निर्देशक सौजन्य नेपालले सेवा प्रदायकहरूको तालिम र प्राविधिक तयारी भइरहेको जानकारी दिनुभयो। बैठकमा सांसद गोपाल बस्नेतले सुरुङमार्गको प्रगतिप्रति खुसी व्यक्त गर्दै यो कहिलेदेखि सञ्चालनमा आउँछ भनी जिज्ञासा राख्नुभएको थियो। सुरुङमार्ग सञ्चालनका लागि नेपाल प्रहरी र सशस्त्र प्रहरी बलसँगको समन्वय लगायतका कार्यहरू समेत अन्तिम चरणमा पुगेका छन्।