वैदेशिक रोजगारी त्यागेर म्याग्दीमा पशुपालनबाट युवाको लोभलाग्दो सफलता

म्याग्दीको बेनी नगरपालिका–७ कुरिलाखर्कका ४२ वर्षीय सुरेश ढुङ्गानाले वैदेशिक रोजगारी त्यागेर पशुपालनमा ठूलो सफलता प्राप्त गरेका छन्। एक दशक लामो वैदेशिक रोजगारपछि विसं २०७२ मा 'ढुङ्गाना कृषि तथा पशुपक्षी फार्म' स्थापना गरेका उनले अहिले दैनिक ३५ हजार रुपैयाँ बराबरको दूध बिक्री गर्दै आएका छन्। उनको यस व्यवसायले पाँच जनालाई रोजगारी समेत दिएको छ र उनी जिल्लाकै एक सफल अगुवा कृषकका रूपमा परिचित भएका छन्।