अमेरिकी हमलापछि इरानद्वारा स्ट्रेट अफ हर्मुज पूर्ण रूपमा बन्द

इरानले विश्वकै महत्त्वपूर्ण व्यापारिक जलमार्गमध्येको एक ‘स्ट्रेट अफ हर्मुज’ पूर्ण रूपमा बन्द गर्ने घोषणा गरेको छ। अमेरिकाले लगातार दुई दिन इरानमाथि गरेको हमलाको जवाफमा इरानी अधिकारीहरूले यो कडा कदम चालेका हुन्। इरानको इस्लामिक रिभोलुसनरी गार्ड कर्प्सले यो निर्णय तत्कालै लागू हुने बताएको छ, जसका कारण विश्वव्यापी तेल आपूर्तिमा संकट आउने र नेपालमा समेत इन्धनको मूल्य बढ्ने संकेत देखिएको छ।