कञ्चनपुरको विजयसाल सामुदायिक होमस्टेमा पञ्चधातुको मूर्ति स्थापना गरिने

कञ्चनपुरको कृष्णपुर नगरपालिका–२ बाणीस्थित विजयसाल सामुदायिक घरबास (होमस्टे) मा पञ्चधातुको मूर्ति स्थापना गरिने भएको छ। थारु समुदायको सङ्घर्ष र मुक्तिको इतिहासलाई जीवन्त राख्दै पर्यापर्यटन प्रवर्द्धन गर्ने उद्देश्यले यो कदम चालिएको हो। यस परियोजनाले विशेष गरी मुक्त कमैया महिलाहरूको जीवन र भोगाइलाई उजागर गर्ने लक्ष्य राखेको छ।