उत्तर कोरियासँगको तनाव कम गर्न दक्षिण कोरियाद्वारा राष्ट्रपति ट्रम्पलाई आग्रह

दक्षिण कोरियाका राष्ट्रपति ली जे-म्युङले अमेरिकी राष्ट्रपति डोनाल्ड ट्रम्पलाई उत्तर कोरियासँगको तनाव कम गर्दै कोरियाली प्रायद्वीपमा शान्ति स्थापना गर्न सक्रिय भूमिका खेल्न आग्रह गर्नुभएको छ। अमेरिका र इरानबीच कूटनीतिक प्रगति भइरहेका बेला सियोलले अब वासिङ्टनको ध्यान उत्तर कोरियाली मुद्दातर्फ केन्द्रित हुने अपेक्षा गरेको छ। दक्षिण कोरियाली राष्ट्रपति कार्यालयले बुधबार एक विज्ञप्ति जारी गर्दै संवाद अघि बढाउन जोड दिएको हो।