सरकारले संवैधानिक मर्यादा र संस्थागत स्थायित्वमाथि प्रहार गरेको सांसद खुस्बु ओलीको आरोप

राष्ट्रिय प्रजातन्त्र पार्टीकी प्रमुख सचेतक खुस्बु ओलीले सरकारका पछिल्ला गतिविधिले संवैधानिक मर्यादा र मुलुकको सार्वभौमिकतामाथि गम्भीर प्रश्न उठाएको बताएकी छन्। शुक्रबार बसेको प्रतिनिधिसभा बैठकमा बोल्दै उनले प्रधानमन्त्री तथा मन्त्रिपरिषद्को कार्यालयबाटै संवैधानिक निकायको स्वतन्त्रतामाथि हस्तक्षेप भइरहेको आरोप लगाइन्। सांसद ओलीले प्रशासनिक संयन्त्रमा बढ्दो हस्तक्षेप र सरकारको जवाफदेहिताको अभावप्रति पनि कडा आलोचना गरेकी छन्।