मुकेश अम्बानीद्वारा जियो प्लेटफर्म्सको भारतकै ठूलो आईपीओ ल्याउने तयारी

रिलायन्स इन्डस्ट्रिजका अध्यक्ष मुकेश अम्बानीले जियो प्लेटफर्म्सको प्रारम्भिक सार्वजनिक प्रस्ताव (आईपीओ) निष्कासन गर्ने घोषणा गरेका छन्। कम्पनीको ४९औँ वार्षिक साधारणसभालाई सम्बोधन गर्दै उनले यसका लागि भारतीय प्रतिभूति तथा विनिमय बोर्ड (सेबी) समक्ष आवश्यक कागजात पेस गर्ने जानकारी दिए। यो भारतको इतिहासकै सबैभन्दा ठूलो आईपीओ हुने अपेक्षा गरिएको छ, जसले डिजिटल सेवा र दूरसञ्चार क्षेत्रमा जियोको उपस्थिति थप बलियो बनाउनेछ।