स्रोत नखुलेको २२ लाख नगदसहित क्रिप्टो कारोबारमा संलग्न दुई जना पक्राउ

जिल्ला प्रहरी परिसर काठमाडौँले स्रोत नखुलेको २२ लाख रुपैयाँ नगद र अवैध क्रिप्टोकरेन्सी कारोबारमा संलग्न रहेको आरोपमा दुई जनालाई पक्राउ गरेको छ। पक्राउ पर्नेहरूमा नुवाकोटका तारालाल विश्वकर्मा र पर्वतका होमबहादुर केसी रहेका छन्। एसपी पवनकुमार भट्टराईका अनुसार उनीहरूलाई काठमाडौँका विभिन्न स्थानबाट नियन्त्रणमा लिइएको हो। प्रहरीले बरामद रकमको स्रोत र उनीहरूको डिजिटल मुद्रा कारोबारबारे थप अनुसन्धान गरिरहेको छ।