तिनाउ नदीमा पानीको सतह घट्दा मर्चवार लिफ्ट सिँचाइ आयोजना प्रभावित

तिनाउ नदीमा पानीको सतह घटेपछि रूपन्देहीको मर्चवार लिफ्ट सिँचाइ आयोजनाको पम्पस्टेसन सञ्चालनमा समस्या आएको छ। लामो समयदेखि वर्षा नहुँदा तिनाउ र दानव नदीमा पानीको बहाव कम भएपछि सिँचाइ सेवा प्रभावित भएको जल उपभोक्ता संस्थाका अध्यक्ष राजेन्द्र यादवले जानकारी दिए। धान रोपाइँ र बीउ राख्ने मुख्य समयमा सिँचाइ अवरुद्ध हुँदा स्थानीय किसानहरू मर्कामा परेका छन्।