लुम्बिनी प्रदेशका तीन गाउँपालिकाले समयमै बजेट ल्याउन सकेनन्

लुम्बिनी प्रदेशका ७३ गाउँपालिकामध्ये कपिलवस्तुका मायादेवी र शुद्धोधन तथा रुपन्देहीको कोटहीमाई गाउँपालिकाले आगामी आर्थिक वर्षका लागि असार १० गतेभित्र बजेट पेश गर्न सकेनन्। गाउँपालिका राष्ट्रिय महासंघ नेपालका अनुसार देशभरका ४६० गाउँपालिकामध्ये ९७ प्रतिशत अर्थात् ४४६ गाउँपालिकाले समयमै बजेट ल्याएका छन्। तयारीको अभाव, जनप्रतिनिधिको अस्वस्थता र प्रशासनिक सरुवा जस्ता कारणले गर्दा यी तीन स्थानीय तहमा बजेट ढिलाइ भएको हो। बाँकी १४ गाउँपालिकाहरूले पनि विभिन्न आन्तरिक विवाद र प्राविधिक कारणले बजेट पेश गर्न बाँकी रहेको छ।