डा. चेतना पौडेलको पक्राउप्रति योग तथा प्राकृतिक चिकित्सक संघको आपत्ति

नेपाल प्रहरीको केन्द्रीय अनुसन्धान ब्युरो (सीआईबी) ले डा. चेतना पौडेललाई 'नक्कली चिकित्सक' को आरोपमा पक्राउ गरेपछि योग तथा प्राकृतिक चिकित्सक संघ नेपालले आपत्ति जनाएको छ। संघले पौडेललाई तत्काल रिहा गर्न माग गर्दै उनीमाथि लगाइएको आरोप गलत भएको दाबी गरेको छ। चिकित्सकको रूपमा भ्रम फैलाएर उपचार गरेको प्रहरीको आरोप रहे पनि संघले भने यो कारबाहीलाई गैरकानुनी अभ्यासको संज्ञा दिएको छ।