सन नेपाल लाइफ इन्स्योरेन्सद्वारा सशस्त्र प्रहरी बललाई विपद् उद्धार सामग्री हस्तान्तरण

सन नेपाल लाइफ इन्स्योरेन्स कम्पनी लिमिटेडले आफ्नो संस्थागत सामाजिक उत्तरदायित्व कार्यक्रम अन्तर्गत सशस्त्र प्रहरी बल नेपाललाई विपद् व्यवस्थापन तथा उद्धार सामग्री हस्तान्तरण गरेको छ। काठमाडौंको हलचोकस्थित सशस्त्र प्रहरी बलको प्रधान कार्यालयमा आयोजित कार्यक्रममा कम्पनीका निमित्त प्रमुख कार्यकारी अधिकृत कवि फुयालले सशस्त्र प्रहरी अतिरिक्त महानिरीक्षक गणेशबहादुर ठाडा मगरलाई उक्त सामग्री हस्तान्तरण गर्नुभयो। यस सहयोगले मुलुकमा आइपर्ने विपद्का समयमा उद्धार कार्यलाई थप प्रभावकारी बनाउन मद्दत पुग्ने विश्वास लिइएको छ।