तनहुँमा कारको ठक्करबाट दुई बालबालिकाको मृत्यु

तनहुँको आँबुखैरेनी गाउँपालिका-२ मार्किचोकमा भारतीय नम्बर प्लेटको कारले ठक्कर दिँदा दुई बालबालिकाको मृत्यु भएको छ। पृथ्वी राजमार्गमा भएको उक्त दुर्घटनामा ६ वर्षीया सायना थापा र ५ वर्षीय उलियम थापाको ज्यान गएको हो। जिल्ला प्रहरी कार्यालय तनहुँका प्रहरी नायब उपरीक्षक द्वारिका प्रसाद घिमिरेका अनुसार मृतक दुवै स्थानीय बासिन्दा हुन्। प्रहरीले घटनाबारे थप अनुसन्धान सुरु गरेको छ।