राष्ट्रिय बक्सिङ प्रतियोगितामा ११ स्वर्ण जित्दै त्रिभुवन आर्मी क्लब च्याम्पियन

काठमाडौंमा सम्पन्न ३०औं पुरुष तथा ११औं महिला राष्ट्रिय बक्सिङ प्रतियोगितामा त्रिभुवन आर्मी क्लब समग्र च्याम्पियन बनेको छ। त्रिपुरेश्वरस्थित राष्ट्रिय खेलकुद परिषद्को कभर्डहलमा भएको फाइनल प्रतिस्पर्धामा आर्मीले पुरुषतर्फ ६ र महिलातर्फ ५ गरी कुल ११ वटै स्वर्ण पदक जितेर वर्चस्व कायम गर्‍यो। नेपाल बक्सिङ महासङ्घद्वारा आयोजित यस प्रतियोगितामा ५५ केजी तौल समूहमा प्रेम चौधरीले स्वर्ण जितेका थिए। आइतबार सम्पन्न यस खेलमा विभागीय टोली आर्मीले दुवै विधामा शीर्ष स्थान हासिल गरेको हो।