खोटाङमा १५ शय्याको अस्पताल भवन निर्माण अलपत्र

खोटाङको जन्तेढुङ्गा गाउँपालिका-५ चिसापानी बजारमा निर्माणाधीन १५ शय्याको आधारभूत अस्पताल भवन निर्माण कार्य ठेकेदारको लापरबाहीका कारण अलपत्र परेको छ। ड्रागन–रियर जेभी र गाउँपालिकाबीच २०७८ असार २५ गते ठेक्का सम्झौता भई २०७९ असार २८ गतेभित्र निर्माण सम्पन्न गर्नुपर्ने प्रावधान थियो। सम्झौताको म्याद सकिएको लामो समय बितिसक्दा पनि भवन निर्माण पूरा नहुँदा स्थानीय स्वास्थ्य सेवा प्रवाहमा बाधा पुगेको छ।