सिटिजन्स बैंक र जय नेपाल सिनेमाजबीच विशेष छुट सम्बन्धी सम्झौता

सिटिजन्स बैंक इन्टरनेशनल लिमिटेड र जय नेपाल सिनेमाजबीच बैंकका ग्राहकहरूलाई विशेष छुट दिने सम्बन्धी समझदारी पत्रमा हस्ताक्षर भएको छ। यस सम्झौता अनुसार सिटिजन्स बैंकका कार्डवाहक र मोबाइल बैंकिङ प्रयोगकर्ताहरूले जय नेपाल सिनेमाजमा टिकट खरिद गर्दा १० प्रतिशत छुट प्राप्त गर्नेछन्। डिजिटल भुक्तानीलाई प्रोत्साहन गर्ने र ग्राहकहरूलाई थप सुविधा प्रदान गर्ने उद्देश्यले यो साझेदारी गरिएको हो। बैंकले एक प्रेस विज्ञप्ति जारी गर्दै यस सहकार्यको बारेमा जानकारी दिएको छ।