वर्षा सुरु भएसँगै बाढीको त्रासमा धाप्लाङघाटवासी

मनसुन सुरु भएसँगै खोटाङको बराहपोखरी गाउँपालिका–२ स्थित धाप्लाङघाटका बासिन्दा बाढीको त्रासमा रात कटाउन विवश छन्। बराहपोखरी र जन्तेढुङ्गा गाउँपालिकाको मुख्य व्यापारिक केन्द्रका रूपमा रहेको यस क्षेत्रमा स्थानीयले व्यावसायिक पशुपालन र कृषि गर्दै आएका छन्। नदी किनारको समथर भूभागमा रहेको यो बस्तीमा वर्षातसँगै नदीको सतह बढ्ने जोखिमले गर्दा स्थानीयको जनजीवन प्रभावित भएको छ।