यूएन ईस्क्याप बैठकमा मन्त्री गिता चौधरीद्वारा जलवायु न्यायको माग

कृषि, वन तथा वातावरण मन्त्री गिता चौधरीले थाइल्याण्डको बैंककमा आयोजित संयुक्त राष्ट्रसंघीय एसिया तथा प्रशान्त क्षेत्रका लागि आर्थिक तथा सामाजिक आयोग (यूएन ईस्क्याप) को नवौँ मन्त्रीस्तरीय बैठकलाई सम्बोधन गर्नुभएको छ। सो क्रममा उहाँले जलवायु परिवर्तनको असरबाट अति प्रभावित मुलुकका लागि 'जलवायु न्याय' सुनिश्चित गर्न अन्तर्राष्ट्रिय समुदायसँग माग गर्नुभयो। मन्त्री चौधरीले पेरिस सम्झौता र दिगो विकास लक्ष्यबीचको सहकार्य सुदृढीकरण सम्बन्धी सम्मेलनमा नेपालको कृषि र वातावरणीय एजेन्डा समेत प्रस्तुत गर्नुभएको थियो।