सिरहामा विद्यालयको बसले किच्दा ५ वर्षीया बालिका र सहचालकको मृत्यु

सिरहाको लक्ष्मीपुरपतारी गाउँपालिका–२ पर्सामा पायोनियर एजुकेसन एकेडेमीको बसले किच्दा ५ वर्षीया बालिका र बसका सहचालकको मृत्यु भएको छ। विद्यार्थीलाई घर पुर्‍याएर विद्यालयतर्फ फर्कँदै गरेको को १ ख ३५९९ नम्बरको बसले ठक्कर दिँदा लहान नगरपालिका–२२ का २५ वर्षीय सहचालक ओमप्रकाश यादव र सोही विद्यालयमा अध्ययनरत एक बालिकाको घटनास्थलमै मृत्यु भएको हो। सप्तरी घर भई मावलीमा बस्दै आएकी ती बालिका र सहचालकलाई बसले मंगलबार अपराह्न किचेको थियो। प्रहरीले घटनाबारे थप अनुसन्धान गरिरहेको छ।

सिरहाको लक्ष्मीपुर पतारी गाउँपालिका-२ पर्सामा विद्यालयको बसले किच्दा ५ वर्षीया एक बालिका र बसका सहचालकको मृत्यु भएको छ। लहानस्थित पायोनियर एजुकेसन एकेडेमीको को १ ख ३५९९ नम्बरको बसले विद्यार्थी ओराल्ने क्रममा किच्दा लहान-२२ का २५ वर्षीय सहचालक ओमप्रकाश यादव र एक बालिकाको ज्यान गएको हो। जिल्ला प्रहरी कार्यालय सिरहाका प्रवक्ता डीएसपी रमेशबहादुर पालका अनुसार विद्यालय बिदा भएपछि विद्यार्थीलाई घर पुर्‍याउने क्रममा यो दुर्घटना भएको हो।