बाँकेका आठवटै स्थानीय तहमा रासायनिक मल वितरण सुरु

बाँके जिल्लाका आठवटै स्थानीय तहमा कोटा प्रणाली अनुसार रासायनिक मल वितरण सुरु गरिएको छ। कृषि सामग्री कम्पनी लिमिटेड नेपालगन्जका प्रमुख पुष्पराज श्रेष्ठका अनुसार कोहलपुर नगरपालिका, नेपालगन्ज उपमहानगरपालिका र बैजनाथ गाउँपालिकासहितका क्षेत्रमा युरिया, डीएपी र पोटास पठाइएको छ। स्थानीय किसानहरूलाई लक्षित गरी सम्बन्धित स्थानीय तहहरूमार्फत यो मल वितरण प्रक्रिया अघि बढाइएको हो।