थमन विक हत्या प्रकरणमा पूर्वसांसद लक्ष्मी महतो कोइरीलाई पाँच वर्ष कैद

थमन विक हत्या प्रकरणमा महोत्तरी जिल्ला अदालतले नेकपा एमालेका नेता तथा पूर्वसांसद लक्ष्मी महतो कोइरीलाई दोषी ठहर गर्दै पाँच वर्षको कैद सजाय सुनाएको छ। वि.सं. २०७२ सालको मधेस आन्दोलनका क्रममा घाइते भई अस्पताल लैजाँदै गर्दा सशस्त्र प्रहरीका सहायक निरीक्षक विकको हत्या भएको थियो। सोही घटनामा संलग्न रहेको अभियोगमा अदालतले कोइरीलाई सजाय तोकेको हो।