सप्तरीमा टिपरको ठक्करबाट ट्याक्टर चालकसहित पाँच जना घाइते

सप्तरीको कञ्चनरूप नगरपालिका-९ स्थित विष्णु मन्दिर नजिकै पूर्व-पश्चिम लोकमार्गमा बिहीबार बिहान टिपरले ट्याक्टरलाई ठक्कर दिँदा पाँच जना घाइते भएका छन्। रुपनगरबाट कञ्चनपुरतर्फ जाँदै गरेको मधेश प्रदेश ०१-००१ त २७६० नम्बरको ट्याक्टरलाई सोही दिशामा रहेको ना ७ ख ६००९ नम्बरको टिपरले ठक्कर दिएको हो। दुर्घटनामा ट्याक्टर चालक ३० वर्षीय श्यामकुमार सदा, १८ वर्षीय धीरजकुमार सदा, ६० वर्षीय महमद रहमान र ५५ वर्षीया नाजो खातुन लगायत घाइते भएका छन्। घाइतेहरूको स्थानीय अस्पतालमा उपचार भइरहेको प्रहरीले जनाएको छ।