जलवायु परिवर्तनका कारण बालबालिका र गर्भवती महिलाको स्वास्थ्यमा जोखिम बढ्दो

काठमाडौँमा आयोजित एक कार्यक्रममा विज्ञहरूले जलवायु परिवर्तनका कारण बालबालिका, गर्भवती र सीमान्तकृत समुदायको स्वास्थ्यमा गम्भीर असर परिरहेको बताएका छन्। हिमालमा हिउँ पग्लनु र तापक्रम बढ्नु मात्र नभई यसले मानिसको दैनिक जीवन र स्वास्थ्यमा समेत प्रत्यक्ष प्रभाव पारेको उनीहरूको भनाइ छ। जलवायु परिवर्तनलाई केवल वातावरणीय परिवर्तनका रूपमा मात्र नहेरी जनस्वास्थ्यको संकटका रूपमा बुझ्न विज्ञहरूले आग्रह गरेका छन्।