पोखरामा मापसे गरी स्कुल भ्यान चलाउँदा दुर्घटना, चालक पक्राउ

कास्कीको पोखरा महानगरपालिका-१७ मुस्ताङचोकमा मादक पदार्थ सेवन गरी विद्यालयको भ्यान चलाउँदा दुर्घटना भएको छ। हेप्पी बोर्डिङ स्कुलको उक्त भ्यान दुर्घटना हुँदा दुई जना विद्यार्थी सामान्य घाइते भएका छन्। प्रहरीले मापसे गरी सवारी चलाउने चालकलाई नियन्त्रणमा लिएर अनुसन्धान सुरु गरेको छ। घाइते विद्यार्थीहरूको अवस्था सामान्य रहेको जानकारी दिइएको छ।