अवैध डिम्ब दानका लागि नेपाली किशोरी भारत तस्करी गर्ने गिरोह सक्रिय

सुदूरपश्चिम प्रदेशका विपन्न परिवारका किशोरी तथा युवतीहरूलाई आर्थिक प्रलोभनमा पारी अवैध डिम्ब दानका लागि भारत पुर्‍याउने गिरोह सक्रिय रहेको पाइएको छ। कैलाली र कञ्चनपुरका सीमावर्ती क्षेत्रबाट खुला सीमाको फाइदा उठाउँदै मानव तस्करहरूले उनीहरूलाई भारतीय अस्पताल पुर्‍याउने गरेको तथ्य सार्वजनिक भएको हो। भारतीय सञ्चारमाध्यम दैनिक भास्कर र स्थानीय मानव अधिकारवादी संस्थाहरूको अनुसन्धानले मानव बेचबिखनको यो नयाँ र गम्भीर स्वरूपलाई उजागर गरेको छ।