पर्याप्त वर्षा नहुँदा रुपन्देहीका किसान बोरिङ र पम्पसेटको भरमा धान रोप्न बाध्य

मनसुन सक्रिय भए पनि पर्याप्त वर्षा नहुँदा रुपन्देहीका अधिकांश किसान यस वर्ष बोरिङ र पम्पसेटको भरमा धान रोप्न बाध्य भएका छन्। जिल्लाका कोटहीमाई, मर्चवारी, सम्मरीमाई, गैडहवा र ओमसतिया गाउँपालिका तथा लुम्बिनी सांस्कृतिक नगरपालिका लगायतका क्षेत्रमा भूमिगत पानीको प्रयोग गरी रोपाइँ भइरहेको छ। समयमा पानी नपर्दा किसानहरूलाई खेतीका लागि थप लागत र श्रमको भार थपिएको छ।