रुख कटानको निर्णय नहुँदा चितवनमा कृष्णसार स्थानान्तरणमा ढिलाइ

चितवनमा कृष्णसार संरक्षण तथा पर्या-पर्यटन क्षेत्र स्थापना गर्ने प्रक्रिया प्रशासनिक र प्राविधिक ढिलाइले सुस्त बनेको छ। कृष्णसारका लागि उपयुक्त घाँसे मैदान बनाउन रत्ननगरको टिकौली चौर क्षेत्रका केही रुखहरू हटाउनुपर्ने भए पनि मन्त्रालयबाट निर्णय स्वीकृत हुन सकेको छैन। डिभिजन वन कार्यालय चितवनका अनुसार रुख कटानको अनुमति नपाउँदा कृष्णसार स्थानान्तरण कार्य रोकिएको हो।