धार्मिक पर्यटन प्रवर्द्धनका लागि लुम्बिनी र वाराणसीका व्यवसायीबीच पाँच बुँदे सम्झौता

नेपाल र भारतबीच धार्मिक तथा सांस्कृतिक पर्यटन प्रवर्द्धन गर्ने उद्देश्यले लुम्बिनी होटल एसोसिएसन नेपाल र वाराणसी टुरिजम गिल्डबीच पाँच बुँदे समझदारीपत्रमा हस्ताक्षर भएको छ। लुम्बिनीमा आयोजित कार्यक्रममा एसोसिएसनका अध्यक्ष लीलामणि शर्मा र गिल्डका अध्यक्ष सुभाष कपुरले उक्त सम्झौतामा हस्ताक्षर गर्नुभएको हो। सम्झौताअनुसार लुम्बिनी आउने भारतीय तीर्थयात्रीलाई कम्तीमा एक रात त्यहाँ बस्न प्रोत्साहन गरिनेछ भने दुई सहरबीच सिधा बस सेवा पुनः सञ्चालनका लागि पहल गरिनेछ। यस सहकार्यले दुवै देशका पर्यटन व्यवसायीबीचको सम्बन्धलाई थप मजबुत बनाउने अपेक्षा गरिएको छ।