रौतहटमा जग्गा विवादमा छुरा प्रहारबाट एक जनाको मृत्यु, एक घाइते

रौतहटको ईशनाथ नगरपालिका-३ औरैयामा जग्गा सम्बन्धी विवादमा छुरा प्रहार हुँदा ६० वर्षीय बुतन साहको मृत्यु भएको छ। मंगलबार भएको उक्त घटनामा उनका ससुरा ८० वर्षीय रामबहादुर साह समेत घाइते भएका छन्। ईशनाथ नगरपालिका-१ बन्जाराहा घर भई ससुरालीमा बस्दै आएका बुतनमाथि जग्गाको विषयलाई लिएर आक्रमण भएको थियो। प्रहरीले घटनाको अनुसन्धान गरिरहेको छ र आक्रमणमा संलग्नहरूको खोजी भइरहेको छ।